طريق الهداية عضو منشئ
المزاج : الجنسية : بلد أخرى كيف تعرفت علينا؟ : جوجل
عدد المساهمات : 10 نقاط : 46466 السٌّمعَة : 1 تاريخ التسجيل : 26/08/2011 رايق
| موضوع: قصة البيبسى والميراندا الجمعة أغسطس 26, 2011 3:01 pm | |
| بدأت أحداث قصتنا عندما ولد بطلها عام 1898 ظهر الى الدنيا وأحبه الجميع صغار وكبار كان أسمر اللون وطيب القلب
عرفتوه؟؟
إنه الببسي
دارت الأيام الولد كبر وكبرنا أحنا معاه
وصار عنده أخوان وخوات
في يوم من الأيام كان البيبسي تعبان شوي وارتفع عنده الضغط وكانت فايره غازاته
فقرر انه يروح للمستشفى عشان يتعالج وراح وحجز موعد وجلس ينتظر بغرفة الانتظار وشوي وتيجي وحدة برتقالية اللون انيقة تتمختر في مشيتها والناس تقول ياأرض احفضي ماعليكي
طبعا أكيد عرفتوها هي الميرندا جت وجلست جنب البيبسي في غرفة الانتظار
الولد خف عقله وخفق قلبه وكان يحوس الشيطان في راسه يرسل رقمه بالبلوتوث وإلا لأ لكن الحمدلله ماتهور وسواها
ماقدر البيبسي يتحمل ان اشوف كل هالجمال ويسكت فخش عرض و سألها :سلامات وش جابك عند الطبيب هي: فيتامين سي متعبني من وصف لي اياه الطبيب وانا اعاني من آثاره الجانبية
هو: سلامتك عسى ما العوار شديد؟ هي: لا بس دايما ارجع
هو: اها ماتشوفين شر (ويقول في باله ياليته فيني ولا فيكــ) هي: الشر مايجيك
وقامو يسولفون لين ماجى دور البيبسي يدخل عالطبيب وقبل لايدخل قال للميرندا ممكن اشوفك مرة ثانية؟ هي: متى؟ هو: الليلة هي: اسمح لي ما أقدر هو: أفا ليش؟ هي: الليلة عمتي بينتهي تاريخ صلاحيتها ونبي نكون كلنا عندها نودعها هو: أها احسن الله عزاكم مقدما هي: طول الله تاريخ صلاحيتك هو: الله يسمع منك يارب ، طيب متى تحبين الموعد؟ هي: خليها بعد العزاء أحسن هو:على راحتك
وأتى الموعد المرتقب وتواعدوا في ثلاجة كارفور ودار بينهم الحديث التالي
هو: ممكن أسأل سؤال وتجاوبيني عليه بصراحة؟ هي: تفضل هو: معقوله كل هالجمال وماتزوجتي للحين ياترى وش السبب؟ هي: حكم القوي عالضعيف هو: كيف؟ هي:قصة قديمة هو: ممكن أعرفها
هي: قبل سنة عشت قصة حب مع بيبسي مكينة وجا وتقدم لعند أبوي عشان يخطبني لكن أبوي عيا وقال مانزوج بناتنا لعيال المكاين وقام وفرض الاقامة الجبرية علي في الثلاجة الى انتهت صلاحيته ومات
هو : آسف ذكرتك بالماضي هي : لا عادي خذ راحتك تذكرت لو ماتذكرت هذا الماضي موجود وماراح ينتسى هو : ليش؟ ان شاءالله يجيك اللى ينسيك هالماضي هي : تعبتواناانتظره والظاهر اني بعنس ولابشوفه هو : انتي تشوفينه قدامك الحين هي : منهو؟ تستهبل هو : أنا..تقبلين تتزوجيني ياميرندا؟ هي : هاه دلــع بنــات هو : انا تقبليني زوج؟ هي : روح اخطبني من عمي هو : ان شاء الله
اتصل على عمها واخذ موعد انه يشوفه عشان يخطب بنت اخوه وراح لهم وشربوا القهوه قهوه وبيبسى خخخخخ
هو: طالب يد بنت اخوك عمها : لنا الشرف ياولدي بس لازم نشاور البنت هو : شاور ياعم
وافقوا على الزواج واتفقوا على الملكه وكلشي والزواج يبي يكون بثلاجه سيفيوي(التميمي) تـم الزواج وكان فيه حضور كبير ومن بينهم سفن آب وميرندا فراوله وبايسن وحضور كبيير
وقرروا يسافرون شهر العسل الى ثلاجات دبي وسافروا واستانسوا ورجعوا وبعد سته شهور أكتشفت إنها حامل وفرحوا فرح كبير لانه بيجي ببسي وإلا ميرندا صغنطوط وبيقول لهم ماما وبابا
جات وقت الولاده والبيبسى كان خاااايف وجت الممرضه وقالت له: مبروووووووك جاتك ميرندا صغنونه
وعاشوا حياه سعيده وجاهم بيبسى صغنون بعد
وانتــهـــــت القصــــــه | |
|
husamko Admin
عدد المساهمات : 131 نقاط : 47662 السٌّمعَة : 0 تاريخ التسجيل : 02/06/2011
| موضوع: رد: قصة البيبسى والميراندا الجمعة أغسطس 26, 2011 7:15 pm | |
| شكرا لك على مجهودك الرائع | |
|
five-star770 Admin
عدد المساهمات : 375 نقاط : 51285 السٌّمعَة : 2 تاريخ التسجيل : 06/04/2011
بطاقة الشخصية five-star770:
| موضوع: رد: قصة البيبسى والميراندا الثلاثاء أغسطس 30, 2011 4:07 am | |
| هههههههههههههه قصة جميلة شكراً لك | |
|
hagarRamadan عضو منشئ
المزاج : الجنسية : مصري كيف تعرفت علينا؟ : صديقة
عدد المساهمات : 11 نقاط : 43921 السٌّمعَة : 1 تاريخ التسجيل : 06/05/2012 عادي
| |